Plundertyd - Niks behalwe my God..

 Ek het n nuwe laptop moes koop en so deur die uitsort etc vind ek hierdie stukkie wat ek geskryf het tydens die eerste lootings wat hier in KZN was.....

……Party mense is baie keer so arm, want al wat hul het is geld…

 

O wee, waarheen is die wêreld oppad? Nêrens…erens is n groot gemors. Ons is deur n week of is dit nou langer? Ek weet nie want sien om afgetree te wees hou jy nie meer die kalender dop soos die dae wat jy nog teen tyd gestry en baklei het nie. Vroeg opstaan stort , klere kies vir vandag, hare blaas, biki make-up en o gaats sommer vinnig n beskuit en koffie. En wroem-wroem daar gaat jy! By die kantoor aangekom, rustig asof jy al 3 ure wakker is en in rustigheid jou klere aangetrek het wat jy gisteraand al besluit het wat om vandag te dra?? Jou ontbyt was ook meer uitgebrei as net n beskuit en jou grimering, o ja nou is dit grimering…is netjies aangesit. Jy het ALBEI oorbelle aan en jou parfuum walms is daar, maar nogal gedemp want jy het dit al douvoordag aangespuit. NEE..dit was n gejaag met n droom ..Eendag ,eendag gaan jy kan later slaap en rustig jou ontbyt eet en stort en en en…Dit het aangebreek. En nee, jy is vroeer op as wat jy gedink het jy gaan..want jou lyf kan nie so lank lê nie…

 

Terug by die week wat verby is en voel asof dit nog aangaan. Hier was stroping of beter word “looting” en plunder en oproer gewees. Ek self weet nie of elke liewe ou wat daaraan deelgeneem het dit vir die rede gedoen het waaroor dit eintlik moes gaan nie, maar hul het maar saam gedoen . Winkels is geruineer, malls afgebrand, trokke en busse gebrand, voorrade gesteel en so kan hierdie lys dinge aangaan tot my ink op is. En hier sit ons rustige mense sonder die nodige, of sal ek die  woord van die Covid jaar gebruik, sonder essentials.

 

Ons , ek en my man besluit miskien gaan ons net ry en sien of ons dalk n plek kry wat wel nog voorrade het. As afgetredenes is dit nie meer die maandelikse grootkoop van kruideniers nie, maar eerder n weeklikse uitstappie. Dis eers n lekker ontbyt erens dan die koop. So ja ons was nie rerig voorbereid op hierdie tyd van NIKS nie. Ons woon maar in n klein dorpie of eerder soos die, veral die uitlanders sê,  n Village. Die paaie is stil..amper asof daar ook min mense is. Jinne n gedagte wat wel by my opgekom het was..het die Wegraping gebeur en ons het agtergebly? Nee almal was maar net verslae oor dit wat afgespeel het in SA en veral hier in KZN die provinsie waar ons woon. Die strate raak meer besig… Oral is NIKS..en daar waar daar iets is, is die winkels gesluit. Ons ry van winkel na winkel met hoop op die volgende een om oop te wees. Ons vind n klein winkeltjie wat wel oop is, maar geen essentials, even nie eers die non essentials meer nie. n Ou omie kom uit met net n pakkie koekies wat daar was. Nou is dit ook klaar. Ben kon ook darem 5 rolle toilet papier kry , die aaklige soort, maar dit was darem iets om te koop. Oppad huistoe , my gemoed is toe nou al vol trane binne..maar ek het my brawe gesiggie op vanoggend. Ons sien die Slaghuis is oop en Ben sê miskien moet ons gaan kyk vir n pakkie of 3 maalvleis. Ons het oor as genoeg ander vleisie nog, dis net die mins wat gedaan is. Hier binne ook n ry..almal maar stil en die gesiggies lyk almal braaf. Of so dink ek want die maskers maak mos alles toe deesdae. Ek sien op die rak lê 3 blokke margarine en 3 lemoensappies. Besluit koop dit maar. Ons is amper voor in die ry toe koop die dame voor ons al die vleis wat nog beskikbaar is. Hoe gaan sy alles kan dra wonder ekke. Maar dit was wat die dam walle in my gemoed laat bars en breek. Ek vra vir Ben die bakkie se sleutel en gaan sit daar en huil en huil. Here, vra bid ek..wat het gebeur? Ek stuur voicemails na my sussies, maar ek huil so …dit was moeilik om so te praat!. Hier kom Ben en ek lui af. Oppad huistoe was grafstil in die bakkie. Ons albei verbaas en vol vrae. By die huis neem ek inventaris van hoe en wat ons kos situasie lyk. Ek besef hier gaan kreatief kos gemaak moet word. Even my meel vir brood bak is laag. Groente en vrugte is….net tamaties wat al oorryp is. Middagete is salticrax met marmite en klein ,bitter klein repie kaas op. Ook net 4 koekies elk. En n glas water. Koffie is ook op rantsoen want ons het net 6 Liter melk. Ons bel ons kinders wat so 30 km van ons af bly en hoor of hul ok is. Ja se hul, maar skrikkerig oor wat aangaan. Jinne die whatsapps was so baie oor alles wat aan gebeur is, dat my foon amper verstik het. Die een wil slegter lyk as die ander. Dit brand ,dit ontplof, dit is sleg ! Nee jinne alles is negatief.  Die kinders woon in n estate en daar is aksieplanne en noodplanne in werking. Ons seun doen wagbeurte van 3 ure aan en 3 ure af. Dogter en kiddies is op gereedheidslag om na die nood bymekaarkom plek te gaan. Die rugsakkies en kombersies staan by die voordeur. Intussen is hulle geprep dat sou dit gebeur dat hul nie betyds kan wegkom nie, hul na die badkamer moet gaan en die deur sluit. Hul hartjies bewe. Ons dogter is dadelik bekommerd oor die jongste se medikasie wat nog net vir dag of twee genoeg is. Sy ly aan n nier sindroom en moet meds neem. Maar God maak hul rustig.  By ons is dit ook n warboel emosies. Nou moet ons even ons brandstof spaar want die vulstasies is gesluit. Even kontant is nie volop.

Ons bid. Ons kommunikeer met ons bure en vriende. Ons bak brood en deel uit. Ons ruil 6 lemoene vir 6 aartappels. Die Pastoor se hy bring toiletpapier. (hoe het hy geweet?) Dankie Jesus. Ben moes dringend n silinder suustof kry, want sou die elektrisiteit af aan het hy nie backup nie. Hy het Idiopathic Pulmonary Fibrosis. Die gasman sê hy sal moreoggend vir n uur oop wees en hoop om teen dan suurstof in te gekry het. Nou ,dis nou more en Ben is al vroeg vroeg daar om te kry. Prys die Here hy het n silinder gekry. Oppad terug huistoe besluit hy om na n winkeltjie langs die Spares plek te ry. Oppad sien hy n ander winkel wat oop is, die parkade is stil en geen rye by die winkel nie. Ons was nog nooit by daardie winkel nie. Stap in en sien die rakke ook maar leeg, maar daar lê n sak rys , n pak koekmeel asook 3 pakkies mieliemeel. Hy koop dit.  Wow wat het nou net gebeur.? Goddelike voorsiening dis wat gebeur het. Kom by die huis en wys my. Ons huil en sê dankie vir hierdie voorsiening. Vader se goedheid ken geen perke nie en is altyd op tyd. Emosioneel gaan ons op n rollercoaster. Sovele vriende en familie wat wil hoor of ons ok is. Kan ons vir julle voorrade invlieg? Is daar n klein vliegveld? Dis net oorweldigend. Om te sien hoeveel mense se harte sag is en net genade en liefde wil aangee. Ek is konstant in trane. Gebede so baie !. Dankie. Ons kry  pakkies vol kos en bederfies met Koerier. En die voorsiening stop nie. Dis God. Ons ringtones op ons fone klink..I’ll raise a Hallelujah… …Almal staan saam. Daar is nie kleurgrens nie. Even die taxi manne kom help ons mense wagstaan..Wonderlik hoe ons wel kan saamwerk en mekaar se nood kan help dra.

 

Dit is n humbling experience. Ons was so gewoond om te gee , veral in ons tyd wat ons in Mozambiek gewoon en werk het, en nou moet ons leer om te ontvang. Here hoe doen mens dit? ..Hy antwoord..jy ontvang in dankbaarheid…EK was nogals altyd iemand wat maklik my hart gedeel het…maar oi oi..hierdie is moeilik.

 

 Hierdie stelling maak nou 500 % vir ons sin…..Ons is arm want al wat ons het is geld.!

 

Dankie Heer dat U nie n essentiele is nie en ook nie geplunder kan word nie en ook nie gesteel kan word nie, want U was al gebreek en doodgemaak, MAAR U het OPGESTAAN en U is ons opgestane God, Koning en Heer. U het oorwin, sodat ons kan leef. Oorvloedig in U voorsiening en liefde. Onvoorwaardelik gekoester in Genade.

Advertensie..

Kyk ons TV dan is daar baie, sommer baie advertensies wat  wys... het julle al opgemerk??... of is dit nou helemal n dom stupid vraag.... wie kan dit nou miskyk... partymaal meer as wat die program lank is waarna ons kyk. Ligte flikker, ogies blink, oe en die lyfies swaai en dan is daar die manne wat kyk en wonder..wik en weeg en woerts warts die nuwe kar is gekoop. Die land is in skuld gedompel ! Die volk is oorgewig :(  .. die mense is dronk en die dissipline is uit by die agterdeur.

Gepraat van dissipline...hoe gebeur dit dat wanneer daar n insident op die lappe kom, daar dan sommer die hele sak patats en meer kom....man die rivier oorspoel sy walle...hier slaan n kind net n Onnie en dan skielik skiet n ander kind sommer n Onnie by n ander skool..... asof die een insident die ander aanhits om iets slegter te doen....amper n prestasie in die negatiewe....u think u are bad.. I can be worse ! Nou wil ek graag vra....het skole so iets soos n voltydse Counsellor op staff ? En indien nie is dit nie dalk verby hoogtyd dat hulle so n persoon in diens neem nie.....want dit klink vir my dat die kinders net meer en meer gefrustreerd by die skool aankom....hulle is in sekere gevalle nog te jonk om dinge te hoor wat hulle hoor by die huis en verwerk dit dan vir hulself en doen onnosele goed.... word mishandel by die huis...fisies, emosioneel.....en die ouer kinders weet nie dat hulle eintlik nog kinders hoort te wees nie, want daar word van hulle verwag om grootmense te wees.... en dan natuurlik ook die boelie kwessie....en dan is daar die stoutkwessie ook, ongedissiplineerde klein .... mensies.

oeps...Amper van my draad af.....terug by die advertensies.....ek wil graag die kwessies en amper sê ek netelige kwessie , aanraak...drank advertensies....eintlik is daar 2(twee). eerstens is dit die drank adverts op TV... is dit regtig nog nodig dat dit geadverteer moet word....is mense van drank companies regtig so afhanklik van advertensies.... gonnas..die ouens wat dit drink probeer dit sommer so vanself uit en laaik dit baie... hulle het net word of mouth nodig....ons kinders word van so klein as babas al aan drank voorgestel deur dit wat hul ogies sien op TV... net die logos raak al so algemeen....dis net nog n daaglikse gebruiksartikel....ek dink nou net daaraan... kan mens dalk vra dat die TV ouens dit dalk net adverteer op tye miskien na 20:00 in die aand...of is ons TV kanale ook so afhanklik van daardie advertensie gelde? o jinne dit raak nou biki meer ingewikkelder as wat ek aanvanklik  gedink het.... eers wou ek net n vraag gepost het... dink julle drank advertensies regverdig die skade aan ons volk in die geheel?....

Tweedens dan... ekke verstaan ook nie dat Sport deur drank gesponsor kan word nie....die twee trou nie ?ek weet albei maak geld, maar ter bevordering vir wat Sport staan?... en wat leer dit ons volk... ons kinders....hulle assosieer dit met mekaar...beter hulle assosieer Uie en rugby met mekaar (hie hie hie)....of cellphone en rugby....

...hoe lyk jou advertensie vir die wereld? Wat adverteer jy? Daar is n sê-ding..Preach the Gospel and if  necessary use words..As Christen hoe adverteer jy? Wanneer ekke begin by die kerk, dan bedoel ek nou die gebou waarnatoe ons Sondae gaan om saam te loof en prys...Hoe adverteer die mense (die liggaam van Christus) daar? Ek word soms nogal verbaas wanneer ek  die kleredrag van die jong klomp sien. Veral die girlies...stywer kan daai klere nie span nie...onderklere is deesdae sommer bo klere, of so blyk dit want alles steek uit of skyn deur. En dis nou nie dat dit lyk asof hul eintlik aangetrek het om na die kerkdiens strand toe te gaan nie, nee hul het gedress om te impress hier by die samekoms...maar ai die advertensie is swak, sleg sê ek vir jou...vol van lust.. geen respekte nie..Here help asseblief..Nou beweeg ons aan en die diens begin..worship gedoen en preek die prediker dat die sop spat. Ek verdiep my en geniet dit...Maar vrek my aandag word so nou en dan weggetrek deur van hierdie jong mense wat so sit en grappies maak en giggel en en en..nee man wat is dit met jou? Ek lees soms op Facebook dat iemand se jy moenie wegbly van die gesamentlike byeenkoms van die gelowiges net omdat daar mense of dinge is wat jou irriteer nie, jy gaan kerk toe nie vir hulle nie, maar om God te verheerlik en te prys...maar hoe hardloop ek n wedren wanneer daar n klip in my tekkie is? Dit moet my pla. 
Hoe reageer jy wanneer iemand voor jou inry , of so kruip-kruip aanploeter  en daar is n vaste lyn...Hoe reageer jy wanneer jy iemand sien wat nou regtig (volgens jou) nie n oil painting is nie? My sus het my geleer om eers net niks te sê nie en wel nou later probeer  ek om altyd iets moois in iemand raak te sien , te dink en of te sê. Dis n doelbewuste besluit om te maak...nie altyd maklik nie, maar met genade wat oorloop probeer ek.

Dankie Here dat U bemoeienis maak met ons, genade oor ons uitstort en ons leer hoe om onvoorwaardelik lief te hê. Mag my advertensie altyd U behaag en uitnemendheid (excellence) my dryfveer is. Ek bid dat U Lig altyd deur ons skyn, U liefde altyd  ons omvou en U krag in en deur ons werk.

Dankie VADER.

Om te reis of nie te reis nie....

Eish... as jy my vandag vra sê ekke nee ek hou nie van reis nie....maar dis maar iets wat ek net aan  gewoond sal moet raak ..ons het vêrbly kinders en kleinkinders .. 

Als begin al by die reelings en om vlugte te boek...net soos jy dink al jou eendjies stap mooi in n ry dan kom die eerste klip deur...die vlug moet skuif of 2 vlugte is saamgegooi..als lyk of dit kan werk dan sien jy maar o gaats my aansluitingsvlug ..ek gaan nie genoeg tyd he om in te boek my bagasie af te gee en dan ook rustig na my opklim hek toe beweeg nie...ek moet hardloop..ek kan nie ! Eerstens as ek aan die draf kom , dan weet ek nie presies watter kant toe om te draf nie...ken nie die lughawe nie. Om hulp te vra ook nie so suksesvol nie...uiteindelik kom ons by die hek aan en sien niemand daar wat wag om te board nie. Het ons dit nou so gemis of wat nou? gaan vra by die hek net om te hoor ons moet nog so entjie draf want die opklim hekke het verander intussen..seker het hul dit afgekondig , maar nou ja ek kan geen woord hoor wat hul se nie, ek probeer luister maar dis net n geraas en geen verstaanbare klank kom tot by my ore nie. uiteindelik..die regte hek...hier sit al n klompie senuweeagtige mense..of is hul geirriteerd? 

Hoe wonderlik ek hoef nie nog te draf vir n plek op die vliegtuig nie, dis reeds gedoen. So loop ek af in die gangetjie tot by ry 18 , ek en my man sit sitplek A en B...so in spanning wag ons om te sien wie kom sit in sitplek C..eintlik kan ons tweekies al drie sitplekke gebruik aangesien nie een van ons n fyn beenstruktuur het nie. Nee ons is vet en vriendelik. Darem n fyn geboude girlie wat kom sit. Ag nee die mense voor ons het hulself klaar gerieflik gemaak vir hierdie 2 ure vlug..sitplekke agtertoe gegooi en probeer nou rustigheid kry hier op ons skote. Hul gaan n probleem he as ons die snackies en water begin nuttig...om te vra dat hul opsit help nie, hul praat Russies en is baie gebrekkig om engels te verstaan boonop. Dankie tog vir n lugwaardin. Chicken or beef? Dankie maar net n biltong snackie sal genoeg wees. O nee my wereld ek weet nie hoe en wie ontwerp die sitplekke van die vliegtuig nie...Dis eerstens ongemaklik knap asook waarom moet dit afslaan? ek persoonlik dink hul kan die kos op die vlugte maar skip en net snackies en drinkgoedjies bedien.of niks? 

Ons aansluitings vlug het verander..dis nou n uur vroeer so ons moet alweer draf!..vrek plakkies draf nie so vinnig nie.

Ons kuiertjie by ons kinders was baie lekker. Hul het ons bederf sommer so uit ons sokkies uit...sommer weer lekker om gerieflik en gemaklik te bly..

Nou moet ons weer terugreis..Same shproblems, but different day.

Hier is ons nou terug in ons gemaklike huis. 2 weke gaan verby en my man vra my wat dink ek daarvan ons gaan blomme kyk? alweer reis?? jip. Ek wonder nog so of die blommetjies hierdie jaar hul koppies gaan uitsteek aangesien dit so n droogte is, en ja hier sien ek wrintiewaar n foto op Facebook van hoe pragtig die blommetjies blom..n tapyt van vreugde..so dis bevestig ons gaan.

Wat n vreugde dus om wel te kan reis, daar is sovele wat nog nooit in hul hele lewe eens hul dorp verlaat het nie... en ek kla oor die vliegtuig se sitplek.


Dankie Heer vir U voorsiening en versorging...ek eer U. 

Terugkyk....hoe laat dit jou voel?

Kyk vorentoe..!  Fisies is dit deesdae vir my moeilik om sommer net my nek te draai en agtertoe te kyk...ek hoor kraak geluide asook partykeer daardie pyn wat so deur jou kop skiet. Het dit al vir die GP genoem dan sê hy net ja dis maar oud word??..rerig? Ek besef dat ouer mense is tawwe mense...vir die hoeveelheid pyne en geite kla hul dan maar min. Of miskien het ek toe ek jonger was nie altyd ingestel gewees op die klagtes nie. Altyd gedink ek is of was nog altyd n persoon met n sensitiewe gees. Maar lyk my ek skiet te kort. Ek werk daaraan.

Daar is net sovele positiewe dinge waarna ek kan terugkyk. Tye wat die een ry spore daar was en tye wat ek saam Jesus gehuppel en gedans het..oral spore. Daar is dinge wat ek regret en wens ek kan oordoen..maar een ding het ek altyd onthou wat my Ma vir my gese het..Ina hou jou naam skoon, want dis die een ding wat jy nou nie kan was nie. Dankie Mamma. So my naam glo ek is skoon.

 Wat ek wel ook geleer het is dat wanneer die stemmetjie hier binne jou se : NEE , dan moet jy luister. Dis nie so n klein stemmetjie soos wat ons dink nie, dis een GROOT stem. Telkemale al my vasgeloop of skuldgevoel wat ek vir laaank saamgedra het. Ek het vir baie jare van my jong lewe gesing en saam skool orkes opgetree en selfs getoer. Ek het goue sertifikate vir sang, hier en daar n silwer , maar die papiertjies blink. Toe ek ook baie jare terug getrou het , het ek so rukkie aangegaan om te sing, maar dit het moeiliker geraak met kinders en n man en en en.. So kry ek n whatsapp van my sus af en se sy het gereel dat ons 4 sussies n CD kan opneem. My droom was nog altyd dat my kinders my moet hoor sing. Elkeen v ons sussies het ons afsonderlike drome gehad wat perform betref. Ek was aanvanklik vrek opgewonde, maar het wel besef dat ek 38jaar laas gesing het. Ek bedoel nou op verhoog met mikrofoon ens. Ook is die tyd wat ek gegun word om te oefen baie min. Ek dink iets soos n maand?? Ek het gesukkel. My liedjies wat ek wou sing moes ek die woorde weer soek. Die agtergrond musiek moes ek source..Jinne ek het gewonder wat dink die bure in die nuwe dorp waar ons ingetrek het, wat gaan aan by die huis want ek het groot gegaan met die oefen. Een dag toe kom Ben (dis my hubby) en hy sê.. Ek kan hoor jy het darem nog jou pype. Maar my asem is min. Ek begin siek word. Brongitis en asma. Daardie naweek ry  ons toe deur Pretoria toe om die Saterdag oggend ateljee toe te gaan. Oee die sussies almal opgewonde en die senuwees knaag. Uiteindelik toe my beurt. o vrek hier raak ek toe aan die huil. Ek kan voel hoe sukkel my stem. My bors trek toe. Een van my sussies se ag nee man jy is net op jou senuwees. Maar ek weet diep binne my ..dis die verkeerde ding. Ek kan nie perform soos wat ek WEET ek altyd kon nie. So is die dag verby en ons kuier verder. Na n paar weke toe kom die CD aan... dis nou nie afgerond soos ander nie en ek voel ongemaklik daaroor. Nou ja nou hoor my kinders nog steeds nie rerig wat ek wel gedoen het jare terug nie. Ek wil nie die CD vir hul speel nie alhoewel ek weet my sussies het dit dalk al vir hul gespeel...en ek regret die feit dat ek ja gese het. Die stem binne my ..ek moet luister. Dit was die begeerte binne my waarna ek geluister het. Ek bid om hier verby te kom. Dis sleg wanneer jy weet dat jy weet jy kan beter...alhoewel ek glo ek het my beste gegee daardie dag...en nou praat ek nie uit n oogpunt van perfection nie, want dit het ek laaankal geleer by die voete van Jesus. Net Hy kan perfeksie doen, ons moet streef na EXCELLENCE.(uitmuntendheid)..

Ek wil graag fokus op die positiewe dinge wanneer ek so terugkyk...goed om te weet ons stap op roete en plan. Lekker om te weet ons is geseend. nee ek praat nie van die materieele nie , ook nie finansies of enige ander iets as net Jesus se onvoorwaardelike liefde en dat Hy my lief het, want dis wie ek is....terugkyk is n luukse.. wat n voorreg.

Om positief terug te kyk en die luukse te besef, dit gee hoop vir die pad vorentoe. Ek lees in Romeine 5.."Deur ons geloof het Hy gesorg dat ons nou in ’n splinternuwe verhouding met God staan. Ons leef nou dag vir dag net uit sy goedheid. Daarom is ons baie bly en opgewonde. Want ons weet dat God se nuwe wêreld op ons wag. Daar sal ons sy heerlikheid sien.

3Al kry ons nou baie swaar, vat dit glad nie ons blydskap weg nie. Allesbehalwe. Ons weet mos dat swaarkry ons vorm en slyp om nog meer op God te vertrou. 4En wanneer ons onverskrokke op God vertrou, help dit ons om ’n sterk Christelike karakter te vorm. En ’n sterk Christelike karakter maak dat ons deur dik en dun glo dat God se nuwe wêreld op ons wag. 5Wanneer ons al ons hoop op God stel, sal ons nooit teleurgesteld wees nie. Want Hy vul ons lewens elke dag met sy liefde. Dit doen Hy deur die Heilige Gees wat by ons bly.

6Christus het op presies die regte tydstip vir ons gesterf. Hy het sy lewe vir ons opgeoffer toe ons nog in die sonde rondgelê het. Dit is totaal ondenkbaar dat Christus bereid was om so iets vir ons te doen. "

Ek leef in die oomblik en strek my uit na dit wat voorle. Hoeveel beter voel mens wanneer jy uitsien na dit wat voorle. Dankie Jesus, ek weet U is reeds daar. Ek jubel en juig want ek weet in die hemel is nie asma en of brongitis nie ek sal ek sing om my God te eer..

En ek hoef nie my krakende nek te draai nie....Kyk vorentoe !

Seisoen nommer drie(3).. Hannelie...

My blog se naam is Vier Seisoene....ons is 4 susters en elkeen is n seisoen...(soos beskryf deur n baie goeie vriend van ons Jannie)...Hannelie is ook dan die derde sussie en dus seisoen 3...Hier is haar stukkie wat sy vandag met ons wil deel...

Hoe word winter beskryf?  Dit is die koudste van die 4 seisoene, Ek het vir Jannie gevra hoekom hy nou eintlik my gesien het as winter  - is ek dan so koue hartelose persoon – en sy antwoord aan my was “ ek kyk  in die verkeerde konteks daarna. Hoekom dan die winter seisoen ?,   Ek het n warm persoonlikheid. In die winter is alles koud buite  en in die huis is dit lekker warm en snoesig en my buite koue is eintlik net die feit dat ek alles binne hou. Ek is persoon wat nie maklik uiting gee en verwerk alles self binne in my. Dit maak toe sin. Ek sê altyd ek huil binne in.

Van kleins-af was ek maar die stil sussie wat nie eintlik maatjies gehad het op skool maar het wel 2 of 3 maatjies gehad waaraan ek my gebind het. Ek het net gevoel dan kan ek soveel kwaliteit aandag gee as wat daar honderde maatjies is- is dit nie maar hoe dit werk as jy mense oornooi vir braai?  As daar so klomp is, met wie gesels jy of spandeer jy 5 minute by die een en wip na die volgende een toe.

My introvert geaardheid is seker wat my staande gehou het deur my lewe sover.Op die ouderdom van 13jr is my ma oorlede en dit was vir my groot groot hartseer. Ek kan nie veel onthou van voor my ma se dood, dis asof my brein die hartseer weggebêre het tot eendag wat ek reg is om daarmee te deel.27 jaar later is my pa oorlede en was dit vir my groter hartseer, nie omdat ek meer van my pa gehou het maar het hom vir 40 jaar in my lewe gehad.Ek wil glo hy het vir my ‘n sagte plekkie gehad maar wil elke kind nie maar so dink oor hul ouers nie?

Henk word toe baie siek en het konstant geveg vir asem.Kan ek daardie vrees  wat in jou opvlam as jy jou man so sien, aan iemand beskryf? NEE ek kan nie !In daardie stadiums word jou geloof net sterker en sterker. Henk moes toe gaan vir dubbel longoorplanting – daai intense gevoel is baie baie moeilik om met mense te deel. Mens moet aangaan met jou daaglikse take en bekommernisse bo die bekommernis oor Henk.Dit was vir my so moeilike tyd in my lewe, maar as ek die klok kon terugdraai en dit weer oorhê, sou ek dit n duisend maal oordoen. Gedurende daai tyd het ek gedink mense is selfsugtig of so iets maar  almal  vra altyd hoe dit met die pasiënt gaan en vir jou sal hulle sê..Sterkte, laat weet as ek iets kan doen…kragtie – as jy regtig iets wou doen sou jy vir my kos gebring het om die daaglikse huispligte ligter te maak omdat ek met Henk en werk ook moes deal (om net voorbeeld te gee)Ek het ook ondersteuning nodig gehad om met alles te cope.Die kinders het hard probeer. Die band tussen my en Henk het net sterker en sterker geword. Julle ek het gesuffer maar hier sit ek vandag en kyk terug en dink…daardie tye wat ek net gevoel het ek kan nie meer, het die engeltjies my gedra– skuus engele want ek is mos nou nie  petite nie.Toe gebeur daar nog soveel dinge met Henk en ek moes net doodeenvoudig sterk staan, daar is nie ander uitweg.Soos Karlien sing…”Ëk sal kaalvoet loop, oor die berge….”, wel ek en Henk sal kaalvoet loop oor die berge vir mekaar en ons gesin. Daar was dae wat ek net wou weghardloop want dit het gevoel ek weet nie hoe om met al die aanslae in Henk se lewe te deal nie, maar dan het ek net weereens besef wat ons troubelofte aan mekaar was…In sickness and in health…

Vir lank het ek ander werk gesoek met minder stress ens maar kon net nie kry nie.Op 20 November 2013 staan ek op en het soveel vrede in my en bedank .Ek het gevoel ek moet Janus se laaste 2 jaar op skool by die huis wees vir hom.Henk kry toe nog operasie en na paar maande is daar komplikasies en draai hy letterlik by die dood om.Ek was by die huis om hom te versorg en ons het die tyd saam soveel bymekaar geleer en waardering vir mekaar het net weer tot ons deurgedring.Twee jaar by die huis toe kry ek oproep of ek kontrak werk sal doen. Ek was reg om weer te werk.My gesin was almal op hulle voete en die tyd was reg.Eendag toe besef ek hoekom het ek eintlik opgehou werk.Die Here het my pad voorberei want Henk het my nodig gehad, ek sou dit nie kon doen as ek gewerk het nie.Die Here het my weereens laat besef…in sickness and in health.

Ek was nog altyd persoon wat tog net die vrede wil bewaar en as ek net iemand gelukkig kan maak is ek in my 7de hemel maar na Henk se operasies kyk jy terug en besef hoe Groot God ons dien.Wonderwerke gebeur !! Uit daardie dankbaarheid word iets nuuts gebore en wil ek net nog meer goed doen vir mense.Daar is geen lekkerder gevoel as jy vir  iemand iets doen of gee en jy sien daardie gesig….. Noem dit  my pay-it-forward oomblikke….geen erkenning , bybedoelings of dit uit te basuin!   Dit is teenstrydig met my en die woord

Henk en ek  sê seker 10 keer per dag ons is lief vir mekaar. Alhoewel ons mekaar elkeen sy spasie in die lewe gee, doen ons nie dinge apart. Ons het ‘n hekel aan weggaan sonder die ander een.Party mense sal dink, dis stupid, maar dis hoe ons dit doen.Ander sal sê nee man jy het die tyd nodig….ekskuus…tyd nodig van wat ?Ek glo , nee ek weet, my en Henk se verhouding is so sterk omdat ons ‘n span is.Ons vlam nie op teenoor mekaar oor iets wat die ander een doen maar ons laat mekaar toe om hulself te wees. Ek is baie baie lief vir sjokolade en weet dit maak mos vreeslik vet, maar Henk sal nooit sê hy dink ek moet stadig en so ook sal ek  nooit Henk aanvat as hy so busy body is en alles wil regmaak en opruim al kan sy liggaam dit nie meer doen nie of glasie rooiwyn saam vriende geniet

Kyk ek na my kinders, sien ek iets van Henk en iets van myself in elkeen van hulle en laat nooit buite rekening dat hulle hul eie persoonlikheid het. Ek kan nie verwag dat hulle moet wees en dink soos ons twee, alhoewel mens soms hulle net wil vasgryp en sê….maak so en so.Hulle het hul eie lewe waarin hulle hul eie foute moet maak en ek sal altyd daarwees om hul bytestaan maar besef ek kan nie voorskryf hoe hulle dinge in die lewe moet aanpak…ek kan hulle net leiding gee.Ek hanteer elke kind anders omdat al 3 my kinders se persoonlikhede verskil.Janien is die “detail’ kind  waar Tonie is die teddiebeer kind. Janus is die avontuurlustige kind.Vra vir elkeen dieselfde vraag en jy kry dieselfde antwoord maar dit word op 3 verskillende maniere benader.

Ek is  50jaar oud en ek Love dit.!! Soveel dinge het in hierdie  50  jaar gebeur en  al het ek soveel  skete , gaan ek nie lê nie.  “Bou ‘n bruggie en kom daaroor”.

Omdat my rug, knie of heup seer is beteken nie ek moet nou couch potatoe word nie. Kry jou positiewe denke uit hulle boksie wat jy in jou kas bêre en gaan aan.

Ek en Henk is so dankbaar vir elke dag wat die Here aan ons lewe toevoeg en glo om dit met positiewe denke aan te pak. Deur te sit en sulk gaan dit nie verdwyn of beter word.

Dit wat gister gebeur het is verby en jy kan niks daaraan doen nie. More kom nog en ons weet nie wat voorlê. Vandag is hier en ons doen en leef dit ten volle en geniet dit sodat ons more ‘n mooi gister kan hê.

Fillipense 4:13

Ek wil graag ook net deel van my spesiale vriendskap  met Anne-Karien wat saam my werk.Ons stap elke dag om die gebou en gesels dan oor ditjies en datjies en ruil gedagtes en raad uit.So spot ons eendag ons moet ‘n boek skryf oor haar idees en my idees van kos maak tot geskenk pakkies versier, hoe om spesiale dingetjies vir jou gesin te doen ens. Sy noem my Lie en ek noem haar Mie en dink toe dat die boek se naam Mie-Lie Pit (die pit is Tip agteruit gespel) moet wees. Ek was so opgewonde en gee haar toe ‘n boek waarop geskryf is “Mie-Lie Pit” waarin sy haar tips kan vaslê en as ek julle kan vertel watse gevoel dit was daardie oggend toe en daardie boek vir haar gee en ek haar gesig kon sien toe sy daardie boks oopmaak en die boek sien….priceless.

Liefde

Hannelie, Hantie, Hannapatat,Lie, Mientje, Lovey, mamma, schonezuster

one ply, 2 ply...3 ply..and the same amount of sheets??

Wat sal ek nou sê...hoeveel lae is nou die beste....ek weet verseker watter is die duurste, maar het my mind opgemaak dat dit nie altyd beste deal is nie...die eindproduk is wat tel!

Toe ek so rukkie gelede die advertensie op TV gesien oor die wet wipes wat gebruik moet word in plaas van toiletpapier of nadat toiletpapier gebruik is, toe het ek nogal skepties my neus opgetrek vir hierdie advert... nee sies man..ga..MAAR dit het my toe begin irriteer om te weet watter papier of lae die beste is. Kan iets wat jy eintlik in die drein afgooi nou so belangrik wees...inderdaad ja...dit wil vir my voorkom asof hoe meer lae hoe sagter is die papier en word effektiwiteit ingeboet. Jaa tot op n punt want gaan jy dan minder lae na die One Ply kry jy weer soveel gate en frommels in die papier dat dit amper nie die moeite werd is om enigsins papier te gebruik nie...kon net sowel n hand vol konfetti gebruik het..dit werk nie. Die rolletjie kan net 2 maal gebruik word dan is dit klaar...twee handevol konfetti en die rol is op. 
die sagter 2 tot 3 ply .. is sag op die wange maar oi oi dit los soveel konfetti agter ..net n goeie stort kan nou die saak oplos....wet wipes?? of is dit n plumber se nagmerrie? ek weet nie...dit bly my irritasie...en o ja ek wou nog vra ook..die aantal sheets wat aangedui word...het jy al dit getel?

Dit het my laat dink aan die lewe.. Met hoeveel lae leef jy? hang af van waar jy jou bevind watter laag of lae jy opsit. oeee by die grênd mense het jy nogals n paar lae nodig..jy moet blink man! ..en dan is daar die laag van shopping..dis nou net so neutrale outjie..hy kan instantly verander na n ander lagie indien nodig. o ja en dan is daar die moeg en lus vir niks lagie. Ek het so n peach kleur japon by my Ma ge erf toe sy die dag oorlede is. Dis so dikke, maar hiedie kleur het my laat verdwyn..ek lyk moeg, siek en amper op die randjie van n opeenhoping as ek die dag hierdie japon aantrek. Nou moet ek se dis al klaar n eye opener as ek die dag n japon aantrek..my pajamas maak meer toe as my swembroek, nou hoekom sal ek dan nou n japon ook bo oor aantrek? so wanneer ek die dag dan nou in n japon verskyn..?.en nou ..iets fout?? jip net die reaksie waarvoor ek gewag het! So het ek weggekom uit funksies wat ek moes bywoon of selfs n kerkdiens...en ek is lief vir Jesus, maar daar was dae en tye wat ek nie die diens kon face nie. Terug na die lagies... dit was een van my lagies. n Ander lagie was eendag toe ons saam grênd mense uitgegaan het en ek geblink het van my lagies....en toe jeuk my oor en ek kon nie anders as om my vinger in my oor te steek om hom te wikkelkrap nie, vrek waar is my plastic nael?..in my oor !..ek kry hom nie uit nie!!.. aan etenstafel en ek het kort hare en die nael is rooi....ek moes die blink lagie afskilfer....ek was nie wie Jesus my gemaak het om te wees nie !

Ons almal loop heeldag met sulke lagies of maskers op...Gedorie.. in die lewe is ons bedoel om sonder lagies te wees. Hoe minder hoe beter..dis eintlik net toiletpapier wat n lagie probleem moet wees....leef vry sonder lagies sonder sheets....

Dankie Jesus dat ons kan wees wie ons is in Jesus...ek loof U daarvoor.

WIE EK IN CHRISTUS IS:

Ek is aanvaar….
- Ek is ‘n kind van God (Joh 1:12)
- As ‘n dissipel is ek ‘n vriend van Jesus (Joh 15:15)
- Ek is geregverdig/verskoon (Rom 5:1)
- Ek is verenig met die Here en ek is een met Hom in gees (1Kor 6:17)
- Ek is gekoop met ‘n prys en behoort aan God (1Kor 6:19-20)
- Ek is ‘n lid van Christus se liggaam (1Kor 12:27)
- Ek is uitverkies deur God en aangeneem as Sy kind (Ef 1:3-8)
- Ek is vrygekoop/verlos en vergewe van al my sondes (Kol 1:13-14)
- Ek is volmaak in Christus (Kol 2:9-10)
- Ek het direkte toegang tot die troon van genade deur Jesus Christus (Heb 4:14-16)

Sensitiewe sinne....

Hoe swaar weeg dit nog om te dink voor jy iets se ? Partymense kan net oorborrel en oorstroom met wat hul wil se, uitlatings maak en dit voel asof almal net of dit aanvaar of stilbly of maar Gods water oor Gods akker laat loop...nee vrek dit wat ek te se het moet seker baie belangrik geag wees, want laat ek net my mening of opinie lug en woerts warts en ek is in die warm water..

Hoe werk die vryheid van spraak nou in Suid Afrika? is dit veronderstel om vir almal dieselfde voordele in te hou?..Neee ..party mag en ander nie...ek weet nie watter wie mag en watter wie nie.... of is dit individuals? Even op social media...gonnas mense kan gou aanstoot neem. Maar ander kan vrot taal gebruik ek bedoel vloek en meeste like dit of se jinne dis nou oulik,..hoe bepaal ek nou wat ek mag comment en wat moet ek liefs los. Ek sien bv sovele dingetjies raak maar wag dan so rukkie alvorens ek iets sal noem net sodat die spesifiekes tog net nie offended voel nie. Mense LEES ook nie meer wat daar geSKRYF is nie...hulle woerts warts so oor die teks en besluit dan self wat daar staan...en neem dan aanstoot....

Maar so ry ek die afgelope maand drie keer per week vanaf huis na n groter dorp toe vir behandeling.  Wat n toets vir my...ek moet oggend spitstyd deur Durban verkeer ...dis nou die snelweg..ry. Oeee ek was nie n happy chappy nie. Sal jy my glo as ek jou se daar ry n Vespa Scooter in die vinnigste baan..vir die wat nie weet nie dis die heel regterkantste baan van 4 bane op die snelweg...vir my lyk dit asof hy heel rustig ry, maar toe ek na n frustrerende paar minute wel links gaan en hom verbysteek toe sien ek..ne die mannetjie dink ek is volspoed..maar in verkeerde baan. O vrek ek moes maar net smile. Groot trokke wat ook in baan nr 3 ry en dan soo sukkel om die opdraendes by te hou met die spoedgrens, maar oorbeweeg na die linkerbaan is nie n opsie nie...so die linkerkanste baan is nou die vinnige ene....

En nou land ekke tussen die blink mense...ek het die regte kar maar beslis nie die regte lyf nie. . Ek het nie n brons lyfie nie. O ja en dan glimlag ek maklik. Ek sit so in die koffiewinkel en drink my R70 koppie koffie...kyk natuurlik almal op en af..gonnas dis mooi mense...

Terug op die snelweg...daar bestaan nie so iets soos karre met flikkerligte nie asook wonder ek toe of die padreels verander het in terme van die volgafstand...ek kan nie waag om n afstand te hou tussen my en kar voor my nie, dan peul daar n kar of kombi in...en die kar agter my is ek ook nie seker of hy dalk sy ligte aan het of nie , want ek sien nie sy ligte nie. Hy te naby aan my. Ek het lankgenoeg in Mozambiek gewoon om nie bang te wees in sulke verkeer nie, asook het ek geleer om my venster af te draai en vinger te wys wat se back off....net een vinger..my wysvinger.. en ja ek moet die venster afrol want hul sien nie as ek die vinger in die spieeltjie wys nie want die venster tint laat dit nie toe nie...

Ek verstaan nou die grappie van die seuntjie wat se hy hou daarvan as sy Ouma hom skooltoe ry eerder as sy Oupa, want daar is minder blinde B$&@sems en dowe d@&$rs.. 

Op my pad was hierdie maand net baie Vespas...

“’n Slegte humeur maak ander gou kwaad. Geduld en sagmoedigheid maak mense rustig en kalm.”

‭‭Spreuke‬ ‭15:18‬ ‭DB‬‬

ns....Vader ek bid vir n sagmoedige hart....Dankie Heer....