Bliep - Bliep.. Nuwe Seisoen...Bliep - Bliep....Is ek reg daarvoor.... Rut Seisoen..

Is dit een van die Vier Seisoene.. of wat is hierdie nuwe een genaamd.... jinne maar was dit nou nie bietjie vinnig  op ons nie ? Nog net gister so lekker geWAG op wat nou volgende gaan gebeur ? en gekla oor wat volgende en dat ek nou MOEG ge WAG is en so wrintie nou kom hiri seisoen soos 'n warrelwind op my af.... wonder of ek voorbereid is. Ek het mos nou al voorheen vertel van hoe rustig ek geraak het in als wat ek doen.... en niemand nou eintlik verstaan oor hiri kalmigheid wat oor my gekom het nie. Dis eintlik 'n onrustige kalmigheid.Weti hoekom niemand dit kan insien nie ? Huh .... weet ook nou nie meer nie...

Toe praat Vader mos met my ! Jinne en dis wanneer jy met 'n beker Milo of Tee of dit kan selfs 'n Cuppacino  dik met room doer oppi bank diep weggesink inni kussings gaan sit en luister na Sy stem... sag en so vol Liefde vir my, verduidelik Hy spesiaal vir my hierdie seisoen.....Rut se seisoen. Dis die seisoen van voorbereiding en gaan alles oor totale oorgawe ...surrender and covenant...  How to prepare yourself

Om saam met God te wandel behels sekere protokol, want daar staan geskryf dat Naomi het aan Rut sekere voorskrifte ten opsigte van Boas gegee. Soos ek dit verstaan verteenwoordig Boas 'n tipe van Jesus en Rut  die Bruid van Christus. Die dinge waarvoor jy wag begin eers gebeur wanneer jy dit verstaan ! Wow. Amen !  Dus..Maak seker dis GOD se WIL !

 Rut was nie sommer  opsoek na enige man nie. Naomi het haar huiswerk gedoen, en kon Rut beduie waar om hierdie spesifieke man te vind :... Klink maklik om so 'n man te soek ???

• Maak seker wat jy van God wil hê voordat jy daarom begin bid en maak seker dis wat HY ook wil hê. Ons sê altyd oppas netnou kry jy presies waarvoor jy bid.....  Moenie iets najaag as dit nie vir jou bedoel is nie of as dit goed lyk in iemand anders se lewe nie. God het 'n plan wat spesifiek is vir JOU lewe. Hy sal dit vir jou wys.
• Lê jou verlede af ...Naomi het aan Rut gesê om te gaan bad... Boas sou Rut nie aanvaar het as sy na Moab (haar streek waar daar hongersnood is ) gelyk en geruik het nie. Sy moes haar verlede aflê ten einde haar toekoms te verseker. God sal vir jou 'n deur oopmaak, maar as jy nie die ou kwessies afgelê het nie, sal jy nie daardeur kan stap nie. Jy sal nie wat God vir jou wil gee kan ontvang as jy nog deur jou verlede beinvloed word nie. Dit maak nie saak of dit 6 maande of 6 jaar duur nie, jy MOET jou emosionele laste aflê..... sjoe dis een groot stap hierdie ! En God sê : Vergeet al die dinge wat in die verlede gebeur het... Ek gaan iets nuut doen....(Jesaja 43:18-19) Hierdie stukkie Woord is sooooo groot eye opener.... paar woorde, maar ja dit neem al langer as 6 maande.....! ? selfondersoek...jip...the I must die...
• Regte gesindheid... Naomi het aan Rut gesê...gebruik Reukolie !  In die Bybelse tyd het die mense reukolie gebruik om hulself te vernuwe en te verfris. Indien dinge nie vir jou uitwerk soos jy gehoop het nie, moenie sommer dadelik die Satan blameer nie....kyk eers of jy wel die regte gesindheid het ... maar laat God julle omvorm deurdat Hy julle denkpatrone vernuwe (Romeine 12:2)
•  Wees opvallend...Naomi het aan Rut gesê om mooi aan te trek.. Hoekom moet ek mooi aantrek vir iets wat nog nie gebeur het nie ? Want God seën mense wat gereed is ! Wanneer dit jou tyd is en jou oomblik breek aan, moet jy gereed wees ! Hierdie verhaal van Rut wys vir my dus dat as ek bereid is om opvallend te wees, ek wel ook opgemerk sal word...Duh , maar gaan ek nie biki overdressed lyk in 'n situasie of plek as ek met 'n blink rok langs die viswaters opdaag nie? Sien jy die prentjie in jou kop ? Verstaan jy nou waar kom die benaming vir visnetkouse vandaan ..... hiehie en ons lag toe al die tyd vir hierdie mode gier....God se goedkeuring en nie die van mense nie moet jou vernaamste prioriteit wees... so al lyk jy biki uit plek uit met jou kleredrag vir die oomblik, dit maak nie saak nie....jy moet weet dat jy 'n bepaalde bestemming het, anders sal jy begin na verskonings soek en te probeer verduidelik waarom jy so anders is as ander!  Wanneer JY egter weet waarheen God met jou oppad is, maak dit nie saak nie en dan sal ander ook geen twyfel daaraan hê oor jou bestemming wanneer hulle na jou voorbereiding kyk nie!

Verder merk ek ook 2 dinge op wat Naomi aan Rut geleer het oor haar ontmoeting met Boas....

1. Jy moet op die regte plek wees...Naomi het aan Rut gesê om na die dorsvloer toe te gaan...Hoekom ? Want Boas was daar ! Jy moet geestelik op die regte plek wees om jou seën uit God se hand te ontvang. Onthou net dat Satan jou sal probeer wysmaak dat jy dit nie verdien nie... nie goed genoeg is nie... ensomeer etc ens...bla bla bla..hy sal jou probeer wegkeer van dinge en plekke waar God wil hê jy moet wees. Hy sal jou uit jou plek uit laat voel terwyl jy eintlik right slap bang op die plek is wat God jou wil hê.....MOENIE sy leuens glo nie; wanneer God jou roep, rus Hy jou ook toe, bemagtig Hy jou en gebruik Hy jou ook tot Sy eer. Halleluja !!
2. Die tyd moet reg wees Rut het lank vir hierdie oomblik gewag en nou moes sy ook leer om stil te wees omdat die man deur wie God haar sou seën, aan die slaap was. Dis moeilik om alleen oor iets opgewonde te wees, jy wil soooooo graag hê ander moet saam met jou ook opgewonde wees. God sê egter : WAG !! Moenie dinge probeer ryp druk nie, Moenie jouself probeer ryp druk nie, wag geduldig.. wees seker dit gaan gebeur (Habakuk 2:3) God se tydsberekening is perfek ! Hy het seëninge wat slegs vir jou bedoel is en wanneer die tyd ryp is, SAL Hy hulle aan jou gee !

Dit laat my net weer verstaan dat hierdie WAG tydperk nie sommer net 'n rustige tydjie is nie.... nee gonnapiet dis 'n besige tyd van was en was en reukoliekies smeer en vrywe.... en hierdie gewassery is meeste van die tyd 'n proses wat ons God moet toelaat om ons te was , die salwing van die Heilige Gees oor en in ons lewe toelaat, Hy ons kom vul nie net tot vol toe nie , maar tot oorlopens toe vol en dat ons , ons bruidsrokke sal aantrek en ons lewens sal oorgee aan ons Koning vir Sy koestering..... Vader ...ek buig voor U my Koning !

MAAR wanneer God sê ....KLIM UIT DIE WASMASJIEN UIT..... dan klim ek uit......

     ..."Boas het toe met Rut getrou.." Rut 4:13

Warrrel Winde Woelighede... ... ... WAG ?

Aggenee wag 'n bietjie... waar is ek nou.... waarheen oppad... ekskuus ??..jammer....S T O P ! WAG ----

Voel dit vir jou ook partykeer asof alles   -of stilstaan..- of weghardloop rondom jou , mmm ek wil amper sê asof jy in die middel van 'n bondel wasgoed wat besig is om in een van hierdie wishywashy wasmasjiene te was... jip doer so reg in die middel op die sakdoekie sit jy... skud so bietjie regsom en dan skielik verander die rigting weer linksom en die skuim is reg bo-oor jou kop met die water wat so sekonde later jou heeltemal oorspoel. Waar is ek?? .. ek gly af in die dieptes af tussen die ander growwe wasgoed in....dis donker... waar is bo?... nee gonnas, dit voel ek kry nie asem nie, die seep brand my oë, maar tog is dit 'n skoonmaakproses wat besig is om te gebeur?? Is ek op die regte plek, in die regte tydgleuf?? Ek hou net nie meer by nie ! Wat het met my gebeur ? Of is dit nog besig om te gebeur, gaan dit nog erger word?

Dit is soo wonderlik om so rustig te raak in jou alledaagse tyd en gang met die lewe dat jy skoon wakkerskrik wanneer jy moet operate. Dis nogal uitputtend as jou man of die res van jou gesin sulke dinamiese taakgeorienteerde persone is, en jy het nou al 'afgeskakel' van die geroesemoes en die gejaagdheid en rustigheid jou leuse gemaak. Ek bedoel nou nie daarmee dat jy 'sleg' geraak het nie, maar geduld is jou wagwoord en jy weet dat als sal ok wees. By dit als is ek ook nogals nie iemand wat vinnig besluite kan maak nie, want ek dink aan alles van die kleur van die gordyne tot die soompie van die nagval wanneer my man my vra of ek 'n nuwe slaapkamerstel wil hê of nie..analities.. detail.. Alvorens ek hom kan antwoord moet ek eers die antwoorde op al die ander vrae ken, dan sal ek met 'n ware antwoord kan kom..... teen die tyd is hy al rasend want hy is net 'n ja of 'n nee mens..... taak een , twee en drie....more sort ons die res uit ! Die gevolg.....albei is uitgeput aan die einde van die tyd want albei probeer mekaar plek gee in die gesprek en dit hoop op en dit hoop op.... en poef ! Die fan is in die pad....

Ek hoop nou nie ek is al een wat my ervaring hier deel nie? Laat my aub weet of jy ook sulke ervarings het of dalk iemand ken met so 'n probleem en asseblief sussies moet nou nie laat weet ja jy ken iemand en dis ek nie..hie hie hie....

Ek skryf omdat ek weet 'n vriendin of twee het met my gesels en dit blyk na 'n redelike algemene probleem, maar wat egter pla is dat dit klink asof dit meer en meer mense raak, maar die girls bly stil? Party hanteer dit beter as ander, maar ai daar is wat sleg tweede kom, en dis hulle wat my kommer. As jy my kontak, kan ek miskien help. reageer op hierdie post dit sal nie public gaan nie.

Nog 'n vraag was.... wat van as jou kinders ook so taakgedrewe is. of nie is nie... wat van hulle wederhelftes? Hoe hanteer jy as Ma dit.... Wat sal jy sê ? My kinders verskil in sekere opsigte soos dag en nag en dan weer in ander opsigte is hulle presies eenders. En tog is hulle kallers uit een kraal. Ek monitor maar die situasies, maar dis maar een van die heel moeilikste dinge in hierdie wereld van ons.... om jou distansie te hou. Maar een ding weet ek verseker die korste distansie is die een van my knieë na die grond. Want dis die posisie van 'n Mamma wat vir haar kinders intree... ... ... dit sluit skoonkinders in.

En dan vanuit hierdie posisie op jou knieë hoor jy Sy stem.... WAG...en ek vra/sê..maar Here ek is in wasmasjien besig om te versuip, my oë brand van die Omo en biki later kom die Stasoft en maak alles so slap dat ek nie eens kan swem om bo te bly nie... en U wil hê ek moet WAG ?? Vader ek verstaan nie..... almal sê juis vir my ek moet my ..as roer en lewe kry....met respekte Abba Vader.... ek wag en wag en raak net al hoe rustiger en die mense om my net al hoe besiger en al hoe meer onrustiger.....

                                 En God sê.... Wag op God..... Jou Seisoen is besig om te draai.....

Nou ja dit laat my dink aan ons vroue se tyd in kraam.... in daardie laaste paar minute is dit die ergste, maar dan is uitkoms op sy naaste..... die seep brand nou behoorlik !!

        watter soort wasmasjien het jy?.... of was jy met die hand  ?

 L I E F D E .....