Hierdie Seisoene ding......

Een van my seisoen sussies Hannelie het 'n baie goeie vriend wat sy al baie jare jare ken, eintlik moet ek sê hy ken ons almal baie goed en dis die mannetjie wat begin het met die Seisoen identiteite... Hy het gesê ons is vier susters  tog is ons soos die vier Seisoene. Janneman ek wil jou nog eendag vra... watter seisoen sou jy nou aan my koppel, want sien Winter kan koud wees, maar ook kan dit sexy wees... lente is die warrel en dartel bloeisel enetjie...Somer weer warm en sonskyn en so kan ek aangaan en inkleur.
Toe ons Mozambique toe verhuis het, was dit gladnie vir ons 'n moeilike besluit nie. Alhoewel meeste mense wat my goed geken het my so effe met 'n 'pause' geantwoord het wanneer ek hulle meegedeel het dat ons moet gaan.... want hulle ken vir ou InaQ en haar geite en grille, maar ek het geweet wat God alreeds gesê het... . HY het ons voorberei en ek het geweet dat alles in Sy Woord het Hy net gespreek (gesê) en dit het gebeur. So dit was die regte besluit om te kom al moes ek leer om eerder plakkies te dra en my goue jewelry te los vir Sondae. Dankie tog die make-up kon aanbly en die perfume sal ek nooit ooit as te nimmer wil los nie. O ja die hair dye MAG ek nie los nie ! Sê ek - hie hie hie..(anderdag se storie , die dag toe ek moes koop hier in Maputo en die instruksies in Portugees moes volg ?)
Watchman Nee is die skrywer van The Normal Christian Life . Eienaardige titel? Tog nie.  Dis net wanneer jy weet wat 'normaal' in 'n Christen se lewe is, dat jy kan bepaal in watter 'seisoen' jy jou bevind, jou omstandighede akkuraat kan evalueer en dan daarvolgens aanpassings kan maak. Elia was 'n mens net soos ons..(Jakobus 5:17) Tog het hy een dag vuur uit die Hemel geroep, maar die volgende dag het hy selfmoord oorweeg. 
Toe ek nou hier in Mozambiek aanland en net 'n geleende TV stel, geleende dubbelbed (ek is gewoond aan 'n Queensize) en 'n small size kroeg yskassie wat ons by die local grocer gekoop het, het om mee te leef.... bid ek en ewe kontant sê ek "Lord I am ready... here I am send me....my training mmmm.... done... worked for the church for 10 years..." O ek was so opgewonde. My sendingveld het oop voor my gelê, want Ben , askies dis my man, het vreeeeslike laaaaang ure gewerk in daardie stadium. Dis hoe ek toe gevoel het. Ons meubels kon nog nie deurgekom het nie en moes gestoor word in Suid Afrika aangesien al die papierwerk en Visums en verblyfpermitte nog nie geprosesseer was nie.Mosambiek het baie papiere!... Sou eers later uitvind dat die soort van papierwerk moet nog met die hand uitgeskryf word ! Nou ja 6 maande so uitgekamp in my huis. Sorry to say - I am not a camper  - Never been en dink ook nie sal ooit wees nie ! Maar die Here was goed vir my, Hy het my laat uitkamp in 'n huis ! Awesome. Ek het 2 kampstoele gehad vir 'n sitkamerstel en een van hierdie 5in1 opblaas banke wat 'n bed of swembed sonbed kan word, gehad vir 'n sitkamer sofa. Jy moet dit elke aand pomp voordat jy kan TV kyk....LOL...
Maar na so 6 weke toe kry ek my dip en bid en vra hierdie keer vir die Here " Here toe ek uit Richardsbaai gegaan het, was my boodskap Vlieg soos 'n Arend. Vader ek voel nou soos 'n Mossie." Al wat ek hoor is : REST IN GOD . Gonnas, ek dink toe nou.. hoe lank rus mens ? So gewoond aan die Quick fix, quick meals en vinnige lewe, dat om nou rustig te raak en te wag is nogal 'n storie en 'n half......maar geduld is vir my geleer in my jare.... . Ek besluit toe om te gaan oplees oor 'n Arend. Weet jy elke seker aantal jare dan gaan rus 'n arend bo in die berge en dan pluk hy sy vere reg en hy olie hulle weer en hy versorg sy naels en hy maak weer sy snawel skerp. Nooit geweet nie maar 'n arend is een van die voëls wat direk in die son in kan kyk en nie verblind word nie.
Weer het maande verby gegaan en ek bid toe weer oor hierdie Mossie gevoel.....en die Here antwoord my :" You may be waiting  but always remember u are still an Eagle ! " Hoe wonderlik om dit te hoor. Ek is nie 'n mossie nie, maar nog steeds 'n Eagle ! Dis toe ook in dieselfde tyd dat Hy vir my sê dat my seisoen van wag oor is...
Daar is geen verskoning om geestelik niks te doen nie, jy moet net bepaal waar jy is. Geloof stel ons nie vry van die seisoene nie, maar laat ons seëvierend daardeur gaan."....Hulle vlieg soos arende. Hulle sal hardloop..Hulle sal loop.." (Jesaja 40:31) Dus: 1. As jy 'n vlieër is. Geniet dit wanneer God jou seën en jy bo jou natuurlike vermoëns uitstyg, onthou net dit kom van God. As jy dit vergeet gaan jy val. 2. As jy 'n hardloper is. Dank God dat jy nog aan die wedren deelneem. Moenie jou met die vlieërs vergelyk nie, jy sal moedeloos word, en ook nie met die stappers nie, jy kan verwaand raak. Hardloop net- jou tyd sal kom. 3. As jy 'n stapper is. Gaan voort om een voet voor die ander te sit. Sommige dae sal pyn, moedeloosheid en uitputting dit onmoontlik maak om hoog te vlieg of te hardloop; die beste wat jy kan doen, is om te stap sonder om flou te word. Dis nie 'n probleem nie. Stap is vir God ook waardevol. As dit jou beste is, is dit goed genoeg !

Opening Speech...Whala ♥

Jinne hier sit ek nou amper met 'n mond vol tande en 'n kop vol gedagtes, 'n hart vol liefde en my vingers wil net nie tik nie ! Hoe gebeur dit nou... nee wat ek moet net laat gaan.... ek weet ek kan, dis net vir te lank.. te diep gebêre gewees. Hierdie is juis die kans waarop ek gewag het, 'n kans om my siel te spoel en ons mekaar te kan help, by Jesus se voete te lê en mekaar te kan bemoedig. Ek glo met my hele hart dat daar in hierdie gesprekke uitkoms sal wees, ek het netwerk van kontakte.... so ons maak 'n plan as ons nie anders kan. ...Ook net te noem dat nie alles wat hier gesê word is uit eie ondervinding nie, nee gonnas dan skiet ek mos nou myself innie voet,  maar ek het ook al die letsels en littetekens aan die hart om te kan getuig van God se genade.
Soos jy uit die Titel van my Blog kan aflei is ek een van die 4 seisoene en ook dan een van 4 sussies. Sou nie graag self wou raai watter seisoen ek is nie. Ek weet met 'n kleur analise by so 'n klerekasbeplanningsessie van Chata Romano het sy my ontleed as ek strek oor 2 seisoene. Sy het dit bestempel as ek is een van die geseëndes. Ek is wel een van die geseëndes van Here. Ek is al 31 jaar getroud en 'n Ma en so pas 'n Oumie geword. Wat 'n blessing !
Ek is nou in my derde jaar as voltydse huisvrou. Weet nie hoeveel jaar kursus dit is wat ek volg nie? hie hie hie. Ek was voltyds beroepsvrou gewees totdat ons Mozambique toe verhuis het. Ek moet erken ek 'sukkel' so effentjies om aan te pas om voltyds 'niks' te doen nie. Wat ek bedoel by voltyds 'niks' doen nie, is dat hier is nie 'n IN-mandjie wat leeg gewerk moet word en 'n UIT-mandjie wat dan vol is nie. Die mandjies bly VOL ?? What a life ?? En mens word so moeg . Jy voel die hele tyd skuldig wanneer jy net so tydjie afknyp om bietjie TV te kyk of koffie te gaan drink by jou enkele vriendin op die dorp. Die grap van die jaar is natuurlik die dag toe ek noem dat Woensdae nou my AF-dae is ! Wat bedoel jy nou jou AF-dag ? Jy werk mos nie meer nie ? .... Sê jy met 'n bord heerlike Steak en chippies voor jou... terwyl jy versigtig moet eet dat jy nie op jou skoon hemp of broek mors nie ! duh ? O ja... moet sê die huis ruik ook nogal vars vanaand... Maar ??? aan wie word al die verskillende lone dan elke maand uitbetaal (Tuisfront) .. Hey ek is die Manager..Administrator..posman..koordineerder....af met die gang...bla bla bla...
Verder is ek ook betrokke by Project Purpose, 'n projek vir Straat Mammas/werkers en hulle kinders . Die Here het dit egter op ons harte gelê om betrokke te raak by die sentrum waar die kindertjies is. Ons help met kos en vars water en klere. Huidiglik bly hulle nog in 'n riethuisie. Hulle is so 16 kiddies, ouderdomme van babas to 15. Die planne vir die nuwe sentrum is goedgekeur en grond is gekoop. Nou wil ons eers 'n boorgat sink vir water en dan begin bou. Maar geldjies kort.
So indien jy 'n dik beursie opgetel het, kontak ons maar.......

  ............tot later.............. skryf so biki vi my.......